ᐱᓕᕆᐊᖅ

ᓇᓗᓇᐃᖅᓯᒪᓂᖏᑦ

2014 ᓇᓗᓇᐃᖅᓯᔪᑦ 15−ᖓᓐᓂᑦ ᓇᓪᓕᐅᓂᖅᓯᐅᕐᓂᖅ ᓄᓇᕗᑦ ᓴᖅᑭᖅᑎᑕᐅᓂᖓᓂᑦ. ᑭᓯᐊᓂᓕ, ᑲᓇᑕᒥ ᐊᖏᖅ, ᐅᐊᓐᓇᖑᓪᓗᓂ ᓄᓇᕗᑦ ᐊᒥᓱᓄᑦ ᑲᓇᑕᒥᐅᑕᓄᑦ ᖃᐅᔨᒪᔭᐅᓗᐊᖏᑦᑐᖅ. ᐃᓱᒪᒋᔭᐅᓂᖓ ᑲᓇᑕᒥ ᐅᑭᐅᑕᖅᑐᖓ ᐊᑦᑐᐊᓂᖃᖅᑐᖅ ᐊᔾᔨᐅᖏᓐᓂᖓᓄᑦ ᓄᓇᖓ − ᐊᖏᔪᖅ, ᐅᖓᓯᖐᑦᑐᑕᐅᓪᓗᑎᑦ ᐃᓄᖏᑦ, ᐊᑦᑕᓇᖅᑐᖅ ᐊᒻᒪ ᐱᔪᒥᓇᖅᑐᓂᑦ. ᑭᓯᐊᓂᓕ ᓄᓇᕗᑦ, ᐅᑭᐅᑕᖅᑐᓕᒫᑎᑐᑦ, ᐊᓯᔾᔨᐸᓪᓕᐊᒻᒪᕆᑦᑐᖅ ᓯᓚᖓ, ᐃᓅᖃᑎᒌᓐᓃᑦ, ᐊᒻᒪ ᑮᓇᐅᔭᓕᐅᕋᓱᓐᓂᒃᑯᑦ ᐱᕙᓪᓕᐊᓂᐅᔪᓂᑦ. ᓄᓇᕗᒻᒥ, ᐅᖓᑖᓃᑦᑐᑦ 50 ᐳᓴᓐᑎᖏᑦ ᐃᓄᖏᑦ ᐊᕐᕌᒍᓖᑦ ᑐᖔᓃᑦᑐᓂᑦ 25, ᒪᒃᑯᑦᑑᑎᑦᑎᔪᖅ, ᐊᔾᔨᐅᖏᑦᑐᖅ ᓄᓇᓕᕐᔪᐊᖅ, ᑕᕝ>ᕙᓂᔅᓴᐃᓇᖅᑕᐅᖅ, ᐊᒥᓲᓂᖅᓴᐃᑦ ᐅᑭᐅᑕᖅᑐᒥᑦ ᓄᓇᓖᑦ ᐊᑐᖅᐸᓪᓕᐊᔪᑦ ᐊᓯᔾᔨᐸᓪᓕᐊᔪᒻᒪᕆᐅᔪᓂᑦ ᐃᓅᖃᑎᒌᓐᓂᕐᒧᑦ ᐊᒻᒪ ᑮᓇᐅᔭᓕᐅᕋᓱᐊᓂᕐᒧᑦ ᐱᔾᔪᑎᖃᖅᑐᑦ ᐋᓐᓂᐊᖅᑐᓕᕆᓂᑦ, ᐃᓪᓗᓕᕆᓂᖅ, ᐃᓕᓐᓂᐊᕐᓂᓕᕆᓂᖅ ᐊᒻᒪ ᐃᖅᑲᓇᐃᔭᖅᑐᓕᕆᓂᕐᒥᑦ. Nunavut (ᓄᓇᕗᑦ) was founded April 1, 1999. ᐊᔾᔨᐅᖏᑦᑐᖅ ᓯᓚᖓ, ᓄᓇᖓ, ᐊᒻᒪ ᐱᖅᑯᓰᑦ ᑲᓇᑕᒥ ᐅᑭᐅᑕᖅᑐᒥᑦ ᐱᕕᔅᓴᖃᖅᑎᑦᑎᔪᑦ, ᓲᕐᓗ ᐱᔪᒪᔭᐅᔪᑦ, ᐃᓪᓗᓂᑦ ᑎᑎᕋᐅᔭᖅᑏᑦ ᓴᓇᔩᓪᓗ ᐃᓱᒪᒃᑲᓐᓂᕆᐊᖃᖅᑐᑎᑦ ᖃᓄᖅ ᐃᓪᓗᐃᑦ ᐊᒻᒪ ᐱᖁᑎᕐᔪᐊᑦ ᐊᐅᓚᔭᕆᐊᖃᕐᒪᖔᑕ. ᑖᒃᑯᓂᖓ ᐊᔅᓱᕈᕈᑎᖃᖅᑐᑎᑦ, ᓴᓇᓯᒪᓂᖏᑦ ᐊᐅᓚᓂᖃᓲᑦ ᐋᖅᑭᒍᑎᐅᓪᓗᑎᑦ, ᐅᑭᐅᑕᖅᑐᒧᑦ ᐊᑐᕈᓐᓇᓕᕐᓂᖅ ᓴᓇᓯᒪᓂᖏᓐᓄᑦ ᐱᕕᔅᓴᐅᑎᑕᐅᓪᓗᓂᓗ. ᓄᓇᖓ ᐱᒡᒐᓇᖅᑑᑎᓪᓗᒍ ᐊᓯᔾᔨᖃᑦᑕᖅᑐᑦ ᖁᐊᕐᒥᑦ ᐊᒻᒪ ᐊᐅᖃᑦᑕᕐᓂᖓ, ᑖᖅᑐᖅ ᐊᒻᒪ ᖃᐅᒪᔪᖅ, ᐅᐸᒐᔅᓴᐅᓂᖓ ᐊᒻᒪ ᐅᐸᒐᔅᓴᐅᖏᓐᓂᖓ, ᐅᑭᐅᑕᖅᑐᒦᒍᓐᓇᓕᓂᕐᒧᑦ ᓄᑖᖑᔪᖅ ᐃᓕᑦᑕᐅᓂᖓ, ᖃᓄᐃᓕᔭᐅᓂᖓ, ᐊᒻᒪ ᑐᓐᖓᕕᖏᑦ ᓄᓇᕗᒻᒥ ᐊᔾᔨᐅᖏᓐᓂᖓ ᓄᓇᖓ, ᓯᓚᖓ, ᐊᒻᒪ ᐱᖅᑯᓯᖏᑦ. Map of Nunavut

ᑕᑯᔅᓴᐅᑎᑦᑎᓂᖅ

ᐱᔪᒪᔾᔪᑎᐅᔪᖅ ᑲᓇᑕᒥ ᑕᑯᔅᓴᐅᑎᑦᑎᓂᐅᔪᖅ 2014−ᒥᑦ ᕖᓇᔅ ᐱᐊᓇᐃᔪ ᓴᓇᓯᒪᓂᖏᓐᓄᑦ, ᐊᑎᖃᖅᑐᖅ ᐅᑭᐅᑕᖅᑐᒥᑦ ᓇᔪᖅᓯᒍᓐᓇᓕᕐᓂᖅ: ᓄᓇᕗᑦ 15−ᖑᓪᓗᓂ, ᐃᖅᑲᓇᐃᔭᖃᑎᒌᑦᑐᑦ ᑐᓂᔭᐅᔪᑦ ᐱᒋᐊᖅᑎᑕᐅᔪᖅ ᐊᒻᒪ ᑐᑭᒧᐊᖅᑎᑕᐅᓪᓗᓂ ᖃᐅᔨᓴᓂᕐᒧᑦ ᐊᒻᒪ ᓴᓇᓯᒪᓂᖓᓄᑦ ᐊᓪᓚᕕᒃ. ᖁᕕᐊᓱᒍᑎᖃᖅᑐᑦ 15 ᐊᕐᕌᒍᓂᑦ ᓴᖅᑭᖅᑎᑕᐅᓚᐅᖅᓯᒪᓂᖓᓄᑦ ᑲᓇᑕᒥ ᓄᑖᖑᓛᖅ ᓄᓇᓕᕐᔪᐊᖑᓪᓗᓂ, ᓄᓇᕗᑦ 1999. ᐃᖅᑲᓇᐃᔭᖃᑎᖃᖅᑐᑎᑦ ᑕᓪᓕᒪᓴᓂᑦ ᓄᓇᕗᒻᒦᖔᖅᑐᓂᑦ ᑲᑐᔾᔨᖃᑎᒌᓂᑦ, ᑕᓪᓕᒪᑦ ᓴᓇᓯᒪᓂᐃᖏᓐᓄᑦ ᑕᐱᕇᑦ, ᐊᑐᓂ ᑲᓇᑕᒥ ᐃᓕᓐᓂᐊᕕᒻᒥ ᓴᓇᓯᒪᓂᖓᓂᑦ ᐊᒻᒪ ᑲᓇᑕᒥ ᓴᓇᔭᐅᕙᑦᑐᓂᑦ ᐊᓪᓚᕕᖓ ᐱᓕᕆᖃᑦᑕᖅᓯᒪᒻᒪᕆᑦᑐᑎᑦ ᐅᑭᐅᑕᖅᑐᒥᑦ, ᓴᖅᑭᑎᑦᑎᓂᐊᖅᑐᑦ ᐱᔪᒪᔾᔪᑎᒥᑦ ᑕᓪᓕᒪᓄᑦ ᐱᔾᔪᑎᐅᔪᓄᑦ − ᐋᓐᓂᐊᖅᑐᓕᕆᓂᖅ, ᐃᓕᓐᓂᐊᕐᓂᓕᕆᓂᖅ, ᐃᓪᓗᓕᕆᓂᖅ, ᐱᓐᖑᐊᖅᑐᓕᕆᓂᖅ, ᐊᒻᒪ ᓴᓇᔭᐅᓯᒪᔪᓂᑦ − ᑲᔪᓯᑎᑦᑎᑎᐊᖅᑐᑦ ᐅᑭᐅᑕᖅᑐᒥᑦ ᓄᓇᓕᖏᓐᓂᑦ. ᐊᑐᓂ ᑲᑎᓐᖓᔪᑦ ᐱᓕᕆᐊᖃᓂᐊᖅᑐᑦ ᐊᑕᐅᓯᕐᒥᒃ ᐱᔾᔪᑕᐅᔪᓂᑦ ᐊᒻᒪ ᑎᑎᕋᐅᔭᓂᐊᖅᑐᑦ ᐱᔪᒪᔾᔪᑎᒥᑦ ᑭᐅᔪᓂᑦ ᐊᕕᑦᑐᖅᓯᒪᔪᒧᑦ ᐊᒻᒪᓗᑦᑕᐅᖅ ᐊᔅᓱᕈᕈᑕᐅᔪᓄᑦ. ᐱᔾᔪᑎᐅᔪᑦ ᕿᒥᕐᕈᔭᐅᓂᐊᖅᑐᑦ ᓴᓇᓯᒪᓂᖏᑎᒍᑦ, ᑕᕐᕆᔮᑦ, ᐊᐱᖅᓱᕐᓃᑦ, ᐊᔾᔨᓐᖑᐊᑦ, ᓄᓇᓐᖑᐊᑦ, ᑎᑎᕋᐅᔭᖅᓯᒪᔪᑦ ᑕᕐᕆᔮᑦ, ᐊᒻᒪ ᓂᐱᖏᑦ, ᐃᓗᐊᓃᑦᑐᐃᓐᓇᐃᑦ ᐊᔾᔨᐅᖏᑦᑐᒥᑦ ᓄᓇᒥᑦ ᐊᒻᒪ ᓴᓇᓯᒪᓂᖓ ᓄᓇᕗᑦ. ᑕᑯᔅᓴᐅᑎᑦᑎᓂᐅᔪᖅ ᐅᓂᒃᑳᖃᓂᐊᖅᑐᖅ ᓄᓇᕗᑦ ᐅᓪᓗᒥᐊᓕᖅᑐᖅ ᐊᒻᒪ ᓯᕗᓂᔅᓴᒥᑦ, ᓴᓇᓯᒪᓂᖏᑎᒍᑦ. ᓴᓇᓯᒪᓂᖓᓄᑦ ᐸᕐᓇᐅᑦ ᐅᑭᐅᑕᖅᑐᒦᒍᓐᓇᓕᓂᕐᒧᑦ ᑕᑯᔅᓴᐅᑎᑦᑎᓂᐅᔪᖅ ᐱᓕᕆᖃᑎᒌᑦᑐᑦ ᐋᖅᑭᔅᓯᒪᓂᖏᑦ ᐊᒻᒪ ᐱᔾᔪᑎᖏᑦ. ᑕᑯᔅᓴᐅᑎᑦᑎᓂᐅᔪᖅ ᐊᕙᑎᖓᓂᑦ ᒪᕐᕉᓕᖅᑲᖓᔪᑦ ᑲᑎᓐᖓᔪᓂᑦ ᑕᑯᔅᓴᐅᑎᑦᑎᓂᕐᒥᑦ ᐃᓗᓕᖏᓐᓂᑦ: (1) ᒪᑭᑕᔪᖅ ᐃᓂᖓ, ᐊᒻᒪ (2) ᓴᓇᒧᑦ ᐋᖅᑭᑦᑕᐅᓂᖓ ᓴᓇᓯᒪᓂᖓ, ᐊᔾᔨᖃᖅᑎᑕᐅᔪᖅ ᖃᓄᐃᑦᑑᓂᖓᓂᑦ ᐊᐅᔪᐃᑦᑐᑦ ᐊᒻᒪ ᓯᓈᖏᑦ, ᓄᓇᓕᐅᓂᐊᖅᑐᑦ ᑕᑯᔅᓴᐅᑎᑦᑎᓗᑎᑦ ᓴᓇᓯᒪᓂᖏᓐᓅᖓᔪᓂᑦ. ᑕᑯᔅᓴᐅᑎᑦᑎᓂᐅᑉ ᐃᓗᓕᖏᑦ ᐅᖓᑕᐅᔾᔨᓂᐊᖅᑐᑦ ᑕᑯᔅᓴᐅᑎᑦᑎᔪᓂᑦ ᐱᐊᓪᓕᐅᓪ ᓄᓇᖓᓂ. Immersive experience of the pavilion's interior.

ᑲᓚᑕᒥ ᑕᑯᔅᓴᐅᑎᑦᑎᕕ ᕿᒥᕐᕈᔭᐅᓂᖓ

ᐅᑭᐅᑕᖅᑐᒥᑦ ᓇᔪᕈᓐᓇᓕᕐᓂᖅ ᐅᑎᓛᖅᑐᑦ ᑲᓇᑕᒧᑦ ᑕᑯᔅᓴᐅᑎᑦᑎᒌᕈᑎ ᕖᓇᔅᒥᑦ ᐳᓚᕋᖃᑦᑕᕐᓗᑎᑦ ᓄᓇᓕᐸᐅᔭᓐᓄᑦ 2015-16−ᒥᑦ, ᐳᓚᕋᕐᓂᐊᖅᓯᒪᓪᓗᑎᑦ ᑐᕌᓐᑐ, ᐋᑐᕚ, ᕕᓂᐸᐃᒃ, ᐃᖃᓗᐃᑦ, ᕙᐃᑦᑐᕼᐅᐊᔅ, ᐊᒻᒪ ᒫᓐᑐᕆᐊᓪ. ᑕᑯᔅᓴᐅᑎᑦᑎᓂᐅᔪᖅ ᑎᑎᕋᖅᑕᐅᓛᖅᑐᑦ ᐊᒥᓱᓂᑦ ᓴᖅᑭᖅᑎᑕᐅᔪᓂᑦ ᐊᑎᖃᖅᑐᖅ ᑭᖑᓪᓕᖅ ᐅᑭᐅᑕᖅᑐᖅ.

ᑕᑯᔅᓴᐅᑎᑦᑎᓂᖅ

ᕖᓇᔅᐱᐊᓐᓇᐃ ᓴᓇᓯᒪᓂᖏᓐᓄᑦ ᐱᒻᒪᕆᐅᓛᖑᔪᖅ ᐊᒻᒪ ᖃᐅᔨᒪᔭᐅᒻᒪᕆᑦᑐᓂ ᓯᓚᕐᔪᐊᒥᑦ ᖃᓄᐃᓘᖅᑕᐅᔪᖅ ᓴᓇᓯᒪᓂᖏᓐᓅᖓᔪᓂᑦ, ᐊᔾᔨᐸᓗᖓ ᓯᓚᕐᔪᐊᒥᑦ ᐱᓐᖑᐊᕕᔾᔪᐊᖅᑐᓂᑦ ᓴᓇᓯᒪᔪᓕᕆᓂᕐᒥᑦ. ᐊᖏᓛᖑᓪᓗᓂ ᐳᓚᕋᖅᑎᓄᑦ ᐅᐸᑦᑕᐅᔪᖅ ᐃᑕᓕᒥᑦ, ᐊᒻᒪᓗᑦᑕᐅᖅ “ᑕᑯᔭᐅᔭᕆᐊᖃᓪᓚᕆᑦᑐᖅ” ᐱᔪᒪᓇᕐᓂᖓ ᐳᓚᕋᖅᑎᓄᑦ ᕖᓇᔅᒧᑦ. ᐅᖓᑖᓃᑦᑑᑦ 300,000 ᓯᓚᕐᔪᐊᒥᑦ ᐳᓚᕋᖅᑏᑦ ᐅᐸᔅᓯᓂᐊᖅᑐᑦ 2014 ᕖᓇᔅ ᐱᐊᓇᐃ ᐅᓪᓗᒥᒨᖓᔪᓂᑦ ᓴᓇᓯᒪᔪᓂᑦ, ᐃᓱᒪᒋᔭᐅᔪᓂᑦ, ᐊᒻᒪ ᑲᑎᖃᑎᒋᐱᓗᒋᑦ ᐱᓕᕆᕕᖃᖅᑐᓂᑦ ᐃᓚᖓᓐᓂᑦ ᐱᐅᓛᖑᔪᒥᑦ ᓄᓇᓕᐸᐅᔭᓂᑦ ᓯᓚᕐᔪᐊᒥᑦ. ᒥᓕᐊᖏᓐᓃᑦᑐᑦ ᑕᑯᔅᓴᐅᓂᐊᖅᑐᑦ ᕖᓇᔅ ᐱᐊᓇᐃᒧᑦ ᓯᓚᕐᔪᐊᒥᑦ ᐱᕙᓪᓕᐊᔪᓕᕆᔨᒃᑯᑎᒍᑦ ᑕᑯᔅᓴᐅᑎᑕᐅᓂᖏᓐᓄᑦ, ᖃᕋᓴᐅᔭᒃᑯᑦ ᖃᐅᔨᒋᐊᕐᕕᒃ, ᐊᒻᒪ ᑕᑯᔅᓴᐅᑎᑦᑎᓂᕐᒧᑦ ᑎᑎᕋᖅᓯᒪᔪᑦ.

  • Latest tweets